he maimai aroha
Aituaa, Aituere, Aitukikini,
Aituwhakatika tumu nui e! Pari nui e!
Me kapo kau ake raa i te rehu o te tai.
I te ao i te poo i te tai whati nui, haakiri
ana mai ngaa reo aroha.
Ngaa mokopuna e maimoa kau ana e.
Me peewhea raa, me peewhea raa.
Piikarikari ana ngaa taringa ki ngaa reo
paaoho mai i ngaa ngaru o aake aake.
Whakaraawhiti te tirohanga ki te
taitamawahine, ka mawhiti mai ki te
taitamataane.
Te motu raa ia e tuungia nei te ururua
kia ritorito ai te tupu o te harakeke.
Teeraa te pikinga mai o Matariki ki te
tara ki Taupiri.
E kawe mai nei i te aunui i te auroa o
nanahi raa.
Kia panuku ake ki ngaa raa o apoopoo.
Ko te poo ki te poo ka tau!
Ko te ao ki te ao ka whanatu!
Tihei mauri ora.
COVER IMAGE: Ngaa mokopuna o te whaanau Wharakura, Waikato-Tainui Games 2016