Page 36 - 15671 Grantseeker's Guide

Te tirotiro i te whakahāre o te karā

He rerekē tēnā kaituku pūtea i tēnā inā whakawhiwhi karāti ki te rōpū. Ko ētahi ka tuku tōtika ki te kaute peke, ko ētahi atu ka tuku mā te haki, mā te hui whakawhiwhi rānei. Me whakahoki whakaaetanga ki te Rōto i te tuatahi, kātahi ka whiwhi karāti ai.

Tērā pea ka tāpiri kaupapa here ki ngā karāti. I te nuinga o te wā, ka utua ā te tīmatanga o te kaupapa.

Ko te nuinga o ngā karāti he take ake tāna, ā, kia kaua e whakarerekē. He whakahirahira kia mōhio inā pau te karāti.

He karāti hei hoko taputapu, pēnei i te rorohiko, he māmā noa iho te whakaatu mā te tohu utu. Mēnā he karāti mō te whakahāere kaupapa kua rerekē ngā utu. Ko te huarahi ngāwari kia tirotiro i te whakahāere karāti, ko te pukapuka pūtea, tuhia ngā mea kua hokona mō te kaupapa, ā, ka tuhi hāere i te toenga. Mā ētahi pūmanawa rorohiko e āwhina i te taha whakahāere utunga.

Ki te kore e tāea te whakapau te karāti ki tana kaupapa, whakamāramahia atu te take ki ngā kaituku pūtea. Taihoa e whakapau i te pūtea! Mēnā he pai te whakamārama ka whakaāetia kia whakarerekē i tō kaupapa.

Ki te whiwhi kia rua karāti mō te kaupapa kotahi, pātaihia tō mea tuarua mēnā ka tāea te whakarerekē i te kaupapa mō te pūtea, ki te kore me whakahoki.

He kawenga

He tūmomo kawenga tō te nuinga o ngā kaituku pūtea mō te karāti. Tērā pea me whakakī pepa ka whakahoki ai ki a rātou. E hiahia ana ētahi i ngā tohu utu. Tohua i tō hōtaka ngā aukatinga mō ngā whakawherenga inā whiwhi karāti.

31