Page 34 - 15671 Grantseeker's Guide

Ngā reta tautoko

Ko ētahi kaituku pūtea, pēnei i te Rōto, ka hiahiatia he reta tautoko i tō tono e ono marama iti iho rānei te tawhito. I te nuinga o te wā, he pai ēnei me ngā kaitautoko mō ngā rōpū hou nei.

Ngā reta tātaki

Kāore he tino take o ēnei, ā, i ētahi wā kāore e pānuitia ana. Mēnā ka tāpirihia atu, me whakarāpopoto noa, ā, kia kaua e tāpiri i ētahi take hou. Kia kaua e roa ake i te kotahi whārangi, ā, me whakamōhio atu ko wai tō rōpū, he aha tana take, he aha te kaupapa me te rahi o te pūtea e tonoa ana, me tētahi paku kōrero mō ngā hiahia me ngā hua. Whakarārangihia ngā āpitihanga me te tāpiri tika ki te tono.

Mēnā kāore e tāea ētahi pārongo i mua i te rā aukatinga, whakapā atu ki ngā kaituku pūtea kia mōhio ai koe me aha. Me whakamahara anō i roto i te reta tātaki, i te tono rānei, (‘i runga i ā tātou whakaritenga, kei te whai mai ngā kaute-ā-tau’).

I mua i te tukuna atu o te tono, āta tirohia kia mōhio ai kei konā katoa ngā āpitihanga, kua tohua te tono, ā, kua whakautua katoatia ngā pātai. Ki te kore tētahi pātai e hāngai ana ki tō rōpū, whakamāramahia atu te take (‘i te mea e ono marama noa iho te pakeke o tō mātou rōpū kāore ā mātou pūrongo-ā-tau’).

Pupurihia he kape mō te tau e heke nei.

Ngā pūrongo-ā-tau

Mā te pūrongo-ā-tau e mōhio ai te tangata i pēhea ngā mahi o te tau. He pai hoki tēnei pūrongo hei waka tauhokohoko i te mea ka whakamōhio atu ki ngā kaituku pūtea ko wai te rōpū. Mēnā ka kitea i roto i te pūrongo kua tata hinga te rōpū kāore koutou e utua.

Ki te hiahia pūrongo-ā-tau ngā kaituku pūtea, engari i tuku-ā-waha noa iho, whakamōhio atu, ka tuhi ai i tētahi whakarāpopototanga mō ngā mahi o te tau.

29