This is a SEO version of 15671 Grantseeker's Guide. Click here to view full version
« Previous Page Table of Contents Next Page »
Pānui katoatia i te tuatahi, ka whakarārangi ai i ngā mea e hiahiatia ana.
Ki te hiahia, whakakapea te tono hei parakitihi. Kāore he take o te patopato kōrero, engari kia mārama tō tuhituhi. He pai ake te pene pango i te pene kahurangi inā whakakape pepa.
Ki te kore he pukatono, whakaurua ēnei kōrero e whai ake nei:
tangata hei whakapā atu • he paku kōrero mō te rōpū me ngā whāinga • te mana ture • whakamārama i te kaupapa, te anga wā, •
me te tahua pūtea kaute. •
Kia āta whakamārama i ngā mea e tono nei koe, te rahi o te pūtea, me te whakaatu i te pānga o te kaupapa ki ngā paearu
NgĀ uauatanga
Ki ētahi he uaua te paku whakamārama i te kaupapa. Kia hāngai atu ki ngā mea e hoko ai koutou ki te whiwhi pūtea.
Anei te whakamārama a tētahi i tōna kaupapa:
“Kia pupū ake te wairua pai, me te aroha i wāenga i te kura me ngā whānau, anō hoki kia whakaātaahua i tō tātou kura ki ngā mea a te taiao me te tāpiri atu i ngā whakaaro o te ao hangarau me te ao pūtaiao. Ko tētahi atu take kia whakaitihia te mahi whakatikatika me te aha ka reka ki te karu.”
He aha rā te kaupapa? “Kia whakatipu māra ki mua i te kura”
He uaua ki ētahi te whakaatu i ngā painga o te kaupapa. Kia mārama, kia pono. Kia whakamārama noa mai ki a mātou i ō hiahia, i te take e hiahia ai, i te take e whakahirahira ai ki a koe.
Hei tauira:
“Mā ēnei mahi e pakari ai ngā tūao ki te whakaako i ngā manene i te reo Pākehā. Mā te reo Pākehā e taea ai e rātou te kōrero, te mahi, te noho mai hoki ki konei.”
Me he raruraru ōu, kimi āwhina i tētahi nō waho atu o tō rōpū.
Ngā kaupapa nui: E hiahia ana te nuinga o ngā kaituku pūtea kia whakapā atu koe ki a rātou i mua i te tukunga o te tono, me te aha ka whakamōhio atu he aha ngā mea e hiahiatia ana. Tērā pea he māhere mahi, he whakatau utu, he aha, he aha.
Ngā rōpū hou: Me he rōpū hou he uaua ake te rapu pūtea, nō reira, me whakapau kaha koe. Ka tirohia e ngā kaituku pūtea mēnā he tāngata whai mana i te rōpū, he whakaatunga i ngā hiahia, mēnā kua āta whakaritea te kaupapa me te pai o te kaupapa. He āhua iti nei te pūtea e hoatu ai ki ngā rōpū hou.
Me he iti rawa te pukatono, whakakīa ka tāpiri ai i ētahi atu pepa engari kia kaua e nui rawa ngā pepa, kei hōhā rātou i te kimikimi kōrero hāere.
19
This is a SEO version of 15671 Grantseeker's Guide. Click here to view full version
« Previous Page Table of Contents Next Page »